Манай улсад Нутгийн өөрөө удирдах байгууллагын тогтолцоо бүрэлдэн байгуулагдсаны 30 жилийн ой 2022 -2023 онд тохиогоод байгаа юм. Ойн хүрээнд олон төрлийн арга хэмжээг /сургалт, хэлэлцүүлэг, соёл, спорт/ шат шатны хурал болон гүйцэтгэх байгууллагууд иргэд, хүүхэд, залуусын дунд үе дараатайгаар зохион байгуулж ирсэн юм. Тэгвэл энэ удаад аймгийн нийт удирдах бүрэлдэхүүний хамтын ажиллагаа, уялдаа холбоог бэхжүүлэх үүднээс спортын олон төрөлт нөхөрсөг тэмцээнийг Баянхонгор аймгийн ИТХ, ЗДТГ, Баянхонгор сумын ЗДТГ-аас хамтран төрийн болон орон нутгийн өмчит байгууллагуудын удирдах бүрэлдэхүүний дунд зохион байгуулж, нээлтийг өнөөдөр (2022.01.05) хийлээ.

Нөхөрсөг тэмцээний нээлтэд аймгийн ИТХ-ын дарга Э.Энхбат, Засаг даргын орлогч Б.Батсуурь, Баянхонгор сумын Засаг дарга Г.Энхбаяр болон 12 багийн 150 орчим тамирчид оролцов.

Аймгийн хурлын төлөөлөгчид, төрийн болон орон нутгийн өмчит байгууллагын удирдах бүрэлдэхүүн хоёр өдрийн турш волейбол, софт волейбол, дартс, ширээний теннис, шатар зэрэг спортын таван төрлөөр өрсөлдөж дүнгээ гаргах юм.