Идэрчүүдийн улсын аварга шалгаруулах Волейболын тэмцээнд Баянхонгор аймгийн эмэгтэй шигшээ баг түрүүлж, алтан медаль хүртлээ.

Монголын Волейболын холбооноос жил бүр уламжлал болгон зохион байгуулдаг Идэрчүүдийн улсын аварга шалгаруулах тэмцээн гуравдугаар сарын 27-ны өдөр эхэлсэн бөгөөд өнөөдөр шувтаргын тоглолтууд болж, аваргуудаа шалгаруулжээ. 

Аваргын төлөөх тоглолтод Хилчин клуб болон Баянхонгор аймгийн эмэгтэй шигшээ багууд тоглож, Баянхонгорынхон 3:0 харьцаагаар ялалт байгуулсан байна. Харин хүрэл медалийн төлөө Сэлэнгэ аймаг болон Говь-Алтай аймгийн баг тамирчид өрсөлдөж, таван ээлжийн тоглолт гарган Сэлэнгийн баг ялалт байгуулснаар гуравдугаар байрт шалгарчээ.

Хэнтий аймгийн Чингис хотноо зохион байгуулж байгаа тус тэмцээнд бүс бүсээс шалгарсан багууд болон зарим томоохон клубүүдийн харьяа багууд оролцсон байна.