Бүгд Найрамдах Энэтхэг Улсын Засгийн газраас 2023-2024 оны хичээлийн жилд инженер, IT, архитектур, буддын судлал зэрэг чиглэлээр тус улсад бакалавр, магистр, докторын зэрэгт суралцах тэтгэлэгт хөтөлбөрийг зарлажээ.

Тэтгэлэгт хөтөлбөрт хамрагдах англи хэлний тодорхой түвшний мэдлэгтэй, 18-30 хүртэлх насны (докторын өргөдөл гаргагч нь 45 хүртэлх насны) иргэн Энэтхэгийн Соёлоор харилцах зөвлөл (ICCR)-ийн https://eoi.gov.in/ulaanbaatar/?17677 линк руу хандаж, онлайнаар бүртгүүлнэ үү.

Тэтгэлэгт хөтөлбөрийн бүртгэл 2023 оны 5 дугаар сарын 15-ны өдрийг хүртэл үргэлжилнэ. Тэтгэлэгтэй холбоотой заавар, зөвлөмж, мэдээллийг Энэтхэгийн Соёлоор харилцах зөвлөл (ICCR)-ийн портал сайт болон Улаанбаатар дахь Бүгд Найрамдах Энэтхэг Улсын Элчин Сайдын Яамны reception.ulaan@mea.gov.in руу цахим шуудан илгээх, 70132248 утсаар авах боломжтой.