АЙМГИЙН АЮУЛГҮЙ НӨӨЦИЙН ӨВСНИЙ НӨӨЦ БҮРДҮҮЛЭХ ТӨСӨЛ СОНГОН ШАЛГАРУУЛНА

Аймгийн хөдөө аж ахуйн салбарын 2023-2024 оны өвөл, хаврын аюулгүйн нөөцөд шаардлагатай өвсний нөөцийг бүрдүүлэх, өвсний хомсдолоос сэргийлэх, үнийн хөөрөгдөл үүсгэхгүй, үнийг тогтворжуулах зорилготой нөөцийн өвсний төсөл сонгон шалгаруулалтыг 2023 оны 11 дүгээр сарын 06-ны өдрөөс 2023 оны 11 дүгээр сарын 13-ны өдөр хүртэл нээлттэй зарлаж байна.

Оролцох хүсэлтэй аж ахуй нэгжүүд техникийн тодорхойлолтод тусгагдсан дараах материалыг бүрдүүлэн 2023 оны 11 дүгээр 13-ны 17 цагт багтаан Аймгийн Засаг даргын тамгын газрын Хөгжлийн бодлого, төлөвлөлт, хөрөнгө оруулалтын хэлтэст ирүүлнэ үү.

Үүнд:

1. Төсөл хэрэгжүүлэх аж ахуй нэгжийн танилцуулга

2. Техникийн тодорхойлолт

№ Бараа болон холбогдох үйлчилгээний нэр Техникийн тодорхойлолт болон стандарт

1 Барааны нэр Өнжөөгүй шинэ хадлангийн ногоон тэжээл, нарийн өвс

2 Зориулалт Баянхонгор аймгийн өвсний аюулгүйн нөөц бэлтгэх

3 Аж ахуйн нэгжийн хүсэлт Бэлтгэн нийлүүлэх өвс нь 500 тонноос багагүй байна. Тоо хэмжээ, нийлүүлэх хугацаа, үнийн саналыг тусган ирүүлнэ.

4 Тусгай нөхцөл - Холбогдох байгууллагын дүгнэлт, гэрчилгээ бүхий аж ахуйн нэгж байна.

- Нөөцөд бэлтгэн нийлүүлэх өвс нь ургамлын шим тэжээл сайтай үед нь хадаж бэлтгэсэн хатаасан байна.

- Өвсний химийн найрлагыг тодорхойлж, чийг, азот, эслэг, үнсний хэмжээг тодорхойлуулсан шинжилгээ хийлгэсэн байна.

- Мал амьтны гоц халдварт өвчингүй аймаг, сумаас бэлтгэсэн байна.

- Аймгийн төвд буулгах бөгөөд ачилт, буулгалт, хураалтыг тухайн аж ахуй нэгж хариуцна.

- Хугацаа хэтэрсэн зээлийн үлдэгдэлгүй (Монгол банкны зээлийн мэдээллийн тодорхойлолт хавсаргах)

- Шүүхээр шийдвэрлэсэн болон шийдвэрлэх шатанд байгаа маргаан байхгүй байх

- Төслийг холбогдох материалын хамт Хөгжлийн бодлого төлөвлөлт, хөрөнгө оруулалтын хэлтэст 2023 оны 11 дүгээр сарын 06-наас 10 –ны хооронд ажлын 5 хоногт багтаан битүүмжилж ирүүлнэ.

5 Ангилалт, савлалт Нэг боодол өвс 50х30х80 см-ээс дээш хэмжээтэй, 15% чийгтэй, 20кг-аас доошгүй жинтэй байна. MNS 5647:2006 стандартын дагуу боож бэлтгэсэн байна.

6 Тээвэрлэлт MNS 5647:2006 стандартын дагуу тээвэрлэж хүлээлгэж өгнө. Стандартын шаардлага хангасан тээврийн хэрэгсэлтэй байна. Тээврийн хэрэгсэлийн гэрчилгээ, зураг ирүүлнэ.

7 Хугацаа Өвсний үндсэн шинж чанар болон стандартын шаардлага хангасан өвсийг гэрээний хугацаанд нийлүүлнэ.

ХӨГЖЛИЙН БОДЛОГО, ТӨЛӨВЛӨЛТ, ХӨРӨНГӨ ОРУУЛАЛТЫН ХЭЛТЭС