Монголын тэмээн соёл улсын зөвлөгөөн – баяр наадам Баянхонгор аймагт хоёр дахь өдрөө амжилттай болж өндөрлөлөө.

     Улсын зөвлөгөөн, баяр наадамд УИХ-ын дарга Г.Занданшатар, Баянхонгор аймгийн удирдлагууд, ХХААХҮЯ-ны төлөөлөл, Монголын тэмээчдийн холбоод, Баянхонгор, Өмнөговь, Дундговь, Дорноговь, Говь-алтай, Өвөрхангай, Ховд, Завхан, Сүхбаатар, Баян-Өлгий аймгийн тэмээчид зэрэг 240 гаруй бүрэлдэхүүн , Хөдөлмөрийн баатар Ч.Сугар-Очир, Хөдөлмөрийн баатар Г. Тойвгоо, Монгол улсын Гавьяат малчин, Монголын анхны тэмээний Улсын алдарт уяач Ц.Шинэн нарын алдарт тэмээчид оролцов.

     Энэ үеэр нутаг нутгаас цугласан 100 гаруй тэмээний парад болж, гурван насны хурдан тэмээний уралдаан явуулж, шилмэл буур – шилмэл ингэ, сайхан тэмээтэй ганган хос, буйл зорох - бурантаг томох төрлөөр аваргуудыг тодруулж, тэмээний гаралтай бүтээгдэхүүний үзэсгэлэн худалдаа, соёл урлагийн цогц арга хэмжээг аймгийн ИТХ, ЗДТГ, Монголын тэмээн соёл уралдааны холбоо, Баянхонгор аймгийн “Ламын гэгээний улаан” тэмээн соёлын холбооноос холбогдох байгууллагуутай хамтран амжилттай зохион байгуулж дуусав.

    Нийт 55 сая төгрөгийн шагналын сантай улсын наадамд шалгарсан шагналт байруудыг төрлүүдээр танилцуулж байна.

ШИЛМЭЛ БУУР

1. Б.Баянжаргалын улаан зүсмийн буур /Баянхонгор аймгийн Богд сум/

2. З.Хишигбаярын улаан зүсмийн буур /Баянхонгор аймгийн Баянцагаан сум/

3. Г.Очирын улаан зүсмийн буур /Баянхонгор аймгийн Баян-Өндөр сум/

ШИЛМЭЛ ИНГЭ

1. Б.Хатанбаарын улаан зүсмийн ингэ /Баянхонгор аймгийн Баацагаан сум/

2. Х.Тогоохүүгийн бор зүсмийн ингэ /Баянхонгор аймгийн Богд сум/

3. Ч.Ганболдын хүрэн зүсмийн ингэ /Баянхонгор аймгийн Жинст сум/

САЙХАН ТЭМЭЭТЭЙ ГАНГАН ХОС

1. Д.Батсуурь , С.Алтанцэцэг /Баянхонгор аймгийн Баян-Өндөр сум/

2. П.Тэгшээ, Б.Бадамсүрэн /Баянхонгор аймгийн Баацагаан сум/

3. Х.Соёл-Эрдэнэ Г.Мөнхцэцэг /Баянхонгор аймгийн Баацагаан сум/

УР ЧАДВАРЫН УРАЛДААН /БУЙЛ ЗОРОХ, БУРАНТАГ ТОМОХ/

1. Г.Уугантогтох, Ш.Мөнх-Оргил /Баянхонгор аймгийн Шинэжинст сум/

2. Ц.Цэрэнтогтох, Ц.Алтантуяа /Баянхонгор аймгийн Баацагаан сум/

3. Ч.Мөнхбат, М.Сонинбаяр /Баянхонгор аймгийн Баян-Өндөр сум/

ХУРДАН АТ

1. МУАУ М.Мөнхбаянгийн шар ат /Өмнөговь аймгийн Баяндалай сум/

2. ААУ С.Мэндбаярын шар ат /Баянхонгор аймгийн Баянлиг сум/

3. ААУ Б.Отгонбаатарын шар ат /Баянхонгор аймгийн Шинэжинст сум/

4. МУАУ С.Галтын улаан ат /Баянхонгор аймгийн Баянлиг сум/

5. ААУ С.Бямбатогтохын шар ат /Өмнөговь аймгийн Баян-Овоо сум/

ХУРДАН ТОРОМ

1. ААУ С.Паандийн халзан тором /Баянхонгор аймгийн Шинэжинст сум/

2. ААУ О.Энх-Одын шар тором /Өмнөговь аймгийн Гурвантэс сум/

3. ААУ Д.Батбаатарын цагаан тором /Баянхонгор аймгийн Баацагаан сум/

4. ЗУ М.Нацагдоржийн хөх тором /Баянхонгор аймгийн Баян-Өндөр сум/

5. САУ У.Энхбаатарын хөх тором /Баянхонгор аймгийн Шинэжинст сум/

ХУРДАН ТАЙЛАГ

1. ААУ Ц.Бямбатогтохын бор тайлаг /Өмнөговь/

2. ААУ Г.Өсөхбаярын шар тайлаг /Баянхонгор/

3. ААУ Ц.Энхмагнайн шар тайлаг /Баянхонгор/

4. ААУ Ц.Алтан-Эрдэнийн хөх тайлаг /Баянхонгор/

5. ЗУ Ц.Батболдын бор тайлаг /Баянхонгор/

ОЙРЫН ЗАЙН БУУХИА УРАЛДААН

1. Ц.Эрдэнчимэгийн бор зүсмийн тэмээ / Баянхонгор аймгийн Баянлиг сум/

Э.Сүхболдын шар зүсмийн тэмээ /Баянхонгор аймгийн Баянлиг сум/

Э.Санчирболдын бор зүсмийн тэмээ /Баянхонгор аймгийн Баянлиг сум/

2. Г.Уугантогтохын улаан зүсмийн тэмээ /Баянхонгор аймгийн Шинэжинст сум/

Г.Уугантогтохын хар зүсмийн тэмээ /Баянхонгор аймгийн Шинэжинст сум/

С.Бямбасүрэнгийн цагаан зүсмийн тэмээ /Баянхонгор аймгийн Шинэжинст сум/

3. Г.Очирын халзан тэмээ /Баянхонгор аймгийн Баян-Өндөр сум/

Б.Өнөржаргалын шар тэмээ /Баянхонгор аймгийн Баян-Өндөр сум/

Б.Өнөржаргалын шар тэмээ /Баянхонгор аймгийн Баян-Өндөр сум/ тус тус шалгарлаа.

    Шагналыг Баянхонгор аймгийн ИТХ-ын дарга Э.Энхбат, АЗДТГ-ын дарга Д.Энхжаргал, АЗДТГ-ын НБХ-ийн дарга, ажлын хэсгийн ахлагч В.Наранчимэг, Монголын тэмээн соёлын холбооны дэд тэргүүн буюу Баянхонгор аймгийн Ламын гэгээний улаан тэмээний соёлын холбооны тэргүүн Б.Батбаяр нар гардууллаа.

    Улсын зөвлөгөөн баяр наадамд хүрэлцэн ирсэн эрхэм тэмээчид, хурдан тэмээдээ сойж уралдуулсан газар газрын уяач нартаа, шагнал хүртсэн улсын шилдгүүд дээ баяр хүргэе.

Монголын тэмээн соёл үеийн үедээ түгэн дэлгэрч байх болтугай.

 

Мэдээллийг Facebook пэйж хуудсаас авах боломжтой. 

 

БАЯНХОНГОР АЙМГИЙН ЗДТГ