Баянхонгор аймгийн Гурванбулаг сумын малчин Ш.Ганбаатарын гэр бүл усан туулай жилийн "Улсын аварга малчин"-аар тодорч шагнал, үнэмлэх цол тэмдгээ хүлээн авлаа.

     Буянт мал сүргээ таван төрөлд нь өсгөн үржүүлж, ашиг шимийг нэмэгдүүлж, Улсын аварга малчны болзол хангасан Ш.Ганбаатарын хөдөлмөрч гэр бүлийн шагналыг Эрчим хүчний дэд сайд М.Баярмагнай, аймгийн Засаг даргын орлогч Б.Батсуурь, аймгийн ИТХ-ын төлөөлөгч Б.Энхтүвшин нар өнөөдөр /2024.02.03/ хүндэтгэлтэйгээр гардуулав.

     Шинэхэн улсын аварга малчных маань мал сүргээ 1500 тоо толгойгоос давуулан өсгөсөн бөгөөд Наймдугаар ангиа төгсөөд өөрийн сонголтоор мал дээр гарч 2006 онд сумын аварга, 2011 онд аймгийн аварга болж байсан амжилтыг тус тус үзүүлсэн байна.

Баяр хүргэе.

Сар шинэдээ сайхан шинэлээрэй.

 

БАЯНХОНГОР АЙМГИЙН ЗАСАГ ДАРГЫН ТАМГЫН ГАЗАР