Баянхонгор аймгийн Өлзийт сумын Бийрийн уулзвар тавдугаар багийн малчин Банзрагчийн Батмөнх зуны дэлгэр цагт алтан төлийн шагналаа буянт сүргийн хотондоо хүлээн авлаа.

Баяндөхөмөөр тавтай зусаж буй энэ айл 500 орчим мал малладаг бол өнгөрөгч өвөл хавар 70 унагыг мэнд бойжуулан өсгөснөөрөө МҮОНРТ-ээс олгодог алтан төлийн эзнээр тодорсон юм.

Шагналыг Баянхонгор аймгийн ЗДТГ-ын дарга Д.Энхжаргал, ХХААХҮЯ-ын ХШҮГ-ын дарга Т.Гантогтох, АЗДТГ-ын ТЗУХ-ийн дарга П.Отгонбаяр, УИХ-ын даргын орон нутаг дахь бие төлөөлөгч С.Цэнд, сум орон нутгийн удирдлагууд энэ сарын 20-нд гардууллаа.

Алтан унаганы эзэн таны үйлс ундарч, улсын аварга малчин болохын ерөөл өргөе.