Сайн туршлагаа улсын хэмжээнд түгээн дэлгэрүүлсэн шилдэг багшаар Баянхонгор аймгийн  "Эрдэм ерөнхий боловсролын сургууль"-ийн хөгжмийн боловсролын багш Д.Бүрэнтогтох шалгарч, 50.0 сая төгрөгөөр шагнуулав

Баянхонгор аймгийн Эрдэм сургуулийн хөгжмийн боловсролын багш Дашравдангийн Бүрэнтогтох нь боловсролын салбарт 19 дэх жилдээ ажиллаж байгаа тэргүүлэх зэрэгтэй багш.

Эрдэм сургуулийн технологи, биеийн тамир, хөгжмийн боловсролын багш нартай хамтран “Хүүхдийн хөгжил - Урлаг Спорт" мэргэжлийн хөгжлийн бүлгийг 2 дахь жилдээ чиглүүлж, ажиллаж байна. Сонгон, дугуйланд хамрагдах боломж, дутмаг, эцэг эхийн хяналт сул, өөртөө итгэх итгэл тааруу суралцагчдыг урлаг, спорт, гар урлалаар дамжуулан хөгжүүлэх зорилгоор нийт 800 гаруй суралцагчийг бие даан бүтээлчээр суралцах арга барилд сургаж байгаа амжилтаа улсдаа үнэлүүлж салбарын сайд Л.Энх-Амгалангаас 50.0 сая төгрөгийн батламж гардан авчээ.

Танд баяр хүргэе.