Эрүүл мэндийн сайд С.Чинзориг орон нутгийн салбарын өмнө тулгамдсан унаа тэрэг, тоног төхөөрөмжийн асуудлыг шийдвэрлэн ажиллаж байгаа билээ.

Тэгвэл энэ удаад Эрүүл мэндийн сайдын багцын хөрөнгө оруулалтаар /100,0 сая/ Баянхонгор сумын Наран мандал, Оточ номгон, Оточ мандал, Энх бүрд өрхийн эмнэлгүүд багийн ард иргэдийн эрүүл мэндийн тусламж үйлчилгээндээ ашиглах Приус 20 маркын шинэхэн автомашинтай боллоо.

Төслийг гүйцэтгэгч "Бүдума" ХХК-ийн нийлүүлсэн дээрх автомашиныг аймгийн Засаг дарга Д.Мөнхсайхан, ЭМГ-ын дарга Н.Энхжаргал нар өнөөдөр /2024.06.02/ албан ёсоор эмч ажилчдад хүлээлгэн өгөв.

Ингэснээр Баянхонгор сумын хүн ардад хүргэх эрүүл мэндийн төвүүдийн үйлчилгээ, чанар илүү шуурхай хүртээмжтэй болох юм.