Монгол Улсын соёл урлагийн хөгжлийн түүхэнд үнэтэй хувь нэмэр оруулсан хөөрөгт хөгжимчдөөр бахархах, сурталчлах, хөгжимчдийг алдаршуулах, өсвөр, залуу үеийг бэлтгэх зорилгоор Ардын найрал хөгжим, Баянхуур хөгжмийн мастер Боловсролын тэргүүний ажилтан, Монгол Улсын соёлын тэргүүний ажилтан, дуу хөгжмийн багш С.Гончигдорж агсны нэрэмжит хөөрөгт хөгжимчдийн улсын уралдааныг 2024 оны 09 дүгээр сарын 13-14-ний өдрүүдэд Баянхонгор аймгийн ЗДТГ, Соёл урлагийн газар, аймгийн Хөгжимт драмын театр, Номундалай цогцолбор сургууль хамтран зохион байгуулна.

Баянхуур, аккордеон, гармонь хөгжим тоглодог хүүхэд багачууд, сонирхогч, мэргэжлийн хөгжимчид тус уралдаанд 2 төрлийн ангилалд оролцох бөгөөд:

- Мэргэжлийн төрөлд: Багшийн сургууль, Соёлын сургууль, СУИС, гадаадын хөгжмийн сургууль төгсөгчид;

- Сонирхогчийн төрөлд: Өөрийн сонирхлоор бие даан суралцагчид оролцох юм.

Тус уралдаан нь Баянхонгор аймгийн Ерөнхий боловсролын Номундалай цогцолбор сургуулийн урлагийн зааланд зохион байгуулагдана.

Холбоо барих утас: 80310138, 95105500, 88027382, 88535711, 91535711