Төрийн албаны тухай хуулийн 66 дугаар зүйлийн 66.1.11 дэх заалт, “Төрийн үйлчилгээний байгууллагын төсвийн шууд захирагчийг сонгон шалгаруулах журам”-ын 2.3-т заасныг тус тус үндэслэн төрийн үйлчилгээний байгууллагын 6 удирдах албан тушаалын сул орон тоог нөхөх сонгон шалгаруулалтын зарыг олон нийтэд мэдээлж байна. Зарын дэлгэрэнгүйг үзнэ үү

Бүртгэл: 2022 оны 11 дүгээр сарын 14-ний өдрийн 09:00 цагаас 2022 оны 11 дүгээр сарын 15-ны өдрийн 17:00 цагийн хооронд цахимаар хийгдэнэ. (Баримт бичгийн үнэн зөв, бүрэн бүтэн байдлыг бүртгүүлэгч хариуцна)

Цахимаар ирүүлэх баримт бичиг:

- Төрийн албан хаагчийн анкет;

- Иргэний үнэмлэхийн хуулбар;

- Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах;

- Мэргэшүүлэх сургалтад хамрагдсаныг гэрчлэх баримт бичиг;

- Нийгмийн даатгалын дэвтэр /Хөдөлмөрийн дэвтэр/-ийн хуулбар эсхүл Цахим лавлагаа;

- “4 х 6”-гийн хэмжээний цээж зураг;

- Хөгжлийн бэрхшээлтэй иргэний хувьд холбогдох баримт;

- Байгууллага хөгжүүлэх хөтөлбөр;

- Төрийн албанд ажилласан жил тооцох зорилгоор албан тушаалд томилогдсон, чөлөөлөгдсөн тушаал, шийдвэрийн хуулбар.

Шалгалт: 2022 оны 11 дүгээр сарын 21 өдрийн 09:00 цагаас хуваарийн дагуу Баянхонгор аймгийн Засаг даргын тамгын газарт болно.