“МОНГОЛЫН УНАГАН БАЙГАЛИЙН ХҮЛЦЭЛ ТОГТВОРЖИЛТЫГ ХАНГАХ НЬ” ТӨСЛИЙН БАГ БАЯНХОНГОР АЙМАГТ АЖИЛЛАВ

Байгаль орчин, аялал жуулчлалын яам, НҮБ-ын Хөгжлийн Хөтөлбөрөөс хамтран хэрэгжүүлж буй “Монголын унаган байгалийн хүлцэл тогтворжилтыг хангах нь” төсөл 2019 оны 5 сараас эхлэн Баянхонгор аймгийн Баацагаан, Баянцагаан, Баян-Өндөр, Шинэжинст сумын нутагт хэрэгжиж байна.

Төслийн баг Баянхонгор аймгийн Засаг дарга /төслийн удирдах хорооны гишүүн/ Д.Мөнхсайхантай уулзаж, төсөл болон орон нутгийн хамтран хэрэгжүүлсэн үйл ажиллагааны үр дүн, бий болсон сайн туршлагуудыг цаашид хадгалан авч явах, төсөл хэрэгжих үлдсэн 2 жилийн хугацааны хамтын ажиллагааны талаар харилцан санал солилцлоо.

Уулзалтад: НҮБ-ын Хөтөлбөрийн шинжээч Э.Эрдэнэбат, “Монголын унаган байгалийн хүлцэл тогтворжилтыг хангах нь” төслийн үндэсний зохицуулагч Б.Эрдэнэбилэг, төслийн мэргэжилтэн Т.Энэрэл, санхүүгийн ажилтан А.Цэцэгдарь, төслийн аймгийн зохицуулагч Ч.Оюунчимэг болон аймгийн ЗДТГ-ын ХБТХОХ-ийн дарга Т.Хишигбаатар, ХХААГ-ын дарга У.Балжинням, Сум дундын Ойн ангийн дарга н.Дэлгэрдалай, ГХБХБГ-ын газрын удирдлагын хэлтсийн дарга А.Цэцэнбилэг, БОАЖГ-ын мэргэжилтэн Ш.Энхбилэг нар оролцлоо.

Уулзалтаар төслийн хүрээнд хэрэгжиж буй үйл ажиллагаануудаас:

• Бөөнцагаан нуурыг улсын тусгай хамгаалалтад хамруулах;

• Заган ойн байгалийн сэргэн ургалтыг дэмжих ажлыг 1000 га талбайд гүйцэтгэх;

• Говийн бүсэд явуулын мал нядалгааны цехийг хувийн хэвшилд түшиглэн ажиллуулах

• Хурга махлуулах ажлыг аймгийн хэмжээнд хэрэгжүүлэх;

• Байгальд ээлтэй малчин болзлыг түгээн дэлгэрүүлэх зэрэг үйл ажиллагааг хамтран хэрэгжүүлэхээр санал нэгдэв.