2022-01-18 10:06:11 XVII жарны усан барс жилийн “Цагаан сар”-ын баярыг сум, аймаг, хот руу золголтоор зорчихгүй, мөн гаднаас хүмүүс хүлээн авахгүй, гэр бүлийн хүрээнд тэмдэглэн өнгөрүүлэхийг аймгийн Онцгой комиссоос нийт ард иргэдэд уриаллаа.

Монгол түмний уламжлалт баяр болох  Сар шинийн баяр тун удахгүй тохиох гэж байна. Хэдийгээр Улсын онцгой комиссоос ямар нэгэн хязгаарлалт хийхгүй гэдгийг мэдэгдсэн ч коронавируст халдварын эрсдэл хаа сайгүй байгааг эрүүл мэндийн салбарынхан анхааруулж буй.  Түүнчлэн мал амьтны гаралтай гоц халдварт шүлхий өвчний голомт аймгийн нутаг дэвсгэрт дахин  дахин гарч байгаа тул  хүн, мал амьтны гоц халдвараас урьдчилан сэргийлж, эрсдэлээс хамгаалахад иргэн Та бид бүхний ухамсарт оролцоо нэн чухал юм.