Унгар Улсын Үндэсний Ассамблейн дарга Көвер Ласлогийн урилгаар Монгол Улсын Их Хурлын дарга Г.Занданшатар Унгар Улсад 2024 оны 03 сарын 06-09-ний хугацаанд албан айлчлал хийлээ.

Айлчлалын бүрэлдэхүүнд УИХ, ЗГ-ын гишүүдийн хамт Баянхонгор аймгийн ИТХ-ын дарга Э.Энхбат багтав.

Айлчлалын хүрээнд

 - Баянхонгор аймгийн Байдрагийн голын усан цахилгаан станц байгуулах төслийн талаар хэлэлцээрийг УИХ-ын дарга Г.Занданшатар, Унгар Улсын Үндэсний Ассамблейн дарга Көвер Ласло нар холбогдох бүрэлдэхүүний хамт хийж Сангийн сайд Б.Жавхлан, Унгар Улсын Гадаад харилцаа, худалдааны сайд Петер Сияяартод төслийг гардуулав.

 - Унгар улстай хамтын ажиллагааг өргөжүүлэн эдийн засаг, хөдөө аж ахуй, боловсрол, аялал жуулчлал соёлын чиглэлээр хамтран ажиллахаар тус улсын Веспрем мужийн дарга Имре Полгардитай Баянхонгор аймгийн ИТХ-ын дарга Э.Энхбат гэрээ байгуулав.

 - Хамтран ажиллах гэрээний хүрээнд тус улсад Монголоос 200 оюутан сургах хөтөлбөрт Баянхонгор аймгийн оюутан залуусыг хамруулах, оёдлын чиглэлээр ажиллах хүчин нийлүүлэхээр эхний ээлжид талууд тохиролцжээ.