Баялаг бүтээгч үндэсний үйлдвэрлэл эрхлэгчдийн үйл ажиллагааг дэмжих, хүнсний хангамжийг нэмэгдүүлэх, Баянхонгорын онцлогтой, зах зээлд өрсөлдөх чадвар сайтай брэнд бүтээгдэхүүнийг бий болгох, шилдэг ашиг шим сайтай орон нутгийн малыг олон нийтэд сурталчлах зорилгоор “Намрын ногоон өдрүүд-Шилмэл мал 2024” арга хэмжээг есдүгээр сарын 20-22-ны өдрүүдэд Баянхонгор аймгийн “Биеийн тамир спорт хороо”-нд зохион байгуулах гэж байна.

Тус арга хэмжээнд 20 сумын иргэд, аж ахуйн нэгж, малчин, тариаланч, жижиг дунд, хөнгөн хүнсний үйлдвэрлэл эрхлэгчид болон малын үржүүлэг технологийн аж ахуйн нэгж оролцох юм.

Нэгдсэн үзэсгэлэн худалдаагаар:

Орон нутгийн онцлог бүхий брэнд бүтээгдэхүүнийг нээн таниулах үзэсгэлэн худалдаа;

Баталгаажсан үйлдэр, омгийн мал, гойд ашиг шимт шилмэл хээлтэгч, хээлтүүлэгч мал;

Шинэ ургацын хүнсний ногооны худалдаа;

Хүнсний үйлдвэрлэл эрхлэгчдийн бүтээгдэхүүний худалдаа;

Жижиг дунд болон хөнгөн үйлдвэрлэлийн бүтээгдэхүүний худалдаа;

Хүнсний хувьсгал үндэсний хөтөлбөрийн мэдээлэл сурталчилгаа;

Зохиомол хээлтүүлгийн мэдээлэл, танилцуулга, үр дүн;

Орон нутгийн брэнд хоол шалгаруулах уралдаан;

Эрүүл хоолны өдөрлөг зэрэг ажлууд зохион байгуулагдана.

“Намрын ногоон өдрүүд-Шилмэл мал 2024” нэгдсэн арга хэмжээний нээлт 2024 оны есдүгээр сарын 20-ны өдрийн 11 цагт “Биеийн тамир спортын хороо”-нд болох тул иргэд та бүхнийг хүрэлцэн ирэхийг урьж байна.